هاروووووووووووح للبحر

هاروح البحر

وهتشاقى انا والموج
واعبى السحر
وهابقى لوحدى من غير فوج
عشان نفضل نوشوش بعض
عملنا ايه وايه ف البُعد
ويفضل همسنا بينا
مايسمعش الهوى غيرنا
واوقف عقرب الساعه
ونتصور صور حيّه
واهدّى الشوقه للجوعه
وهاحضن صفحة الميّه
واقول فينك يا واحشانى
تقول لى إنت اللى وحشانى
واعرّف قلبه ايه حاشنى
يقول مغصوبه يا عيونى
وغصب الوقت ينده لى
واسيبه ودمعى فى عنيّا
اقول من تانى راجعه لك
وتزعل صفحة الميه
وتلعن قسوة المسافات
واوعدها السنه الجايه
نغرّب ضلمة المتاهات
تقول لى أوعى تنسينى
وافتكرى يا نور عينى
بإن إنتِ اللى وعدانى