يعنى عادى عايشه غُربه

قالوا قادره
لسه فيه أنغام فى بوحك
لسه كتفك في النقانق
زى أغصان الشجر ؟
لسه لحمك كاسى عضمك
لسه صوره فيها روحك
قادره تضحك ع الخلايق
لسه قادره ع السفر ؟
لسه بتنادى يا بكره
قاطعه تذكرتين و . فاكره
إن روحك بالمعافره
قادره توصل للقمر ؟
يبقى قولى ليه الدموع
اللى ملّت منها روحنا
مهما قيدنا فى الشموع
ولّا وصلناك بوحنا ؟
قلت تسلم لى الشموع
و الادين اللى اتقادت لى
يسلم البوح اللى جانى
كل ساعه باله خاطرى
بس عادى
كل ده مش دنيتى
حاسه نفسى
عايشه غُربه