ريحة التراب بعد المطر
طعم الطحين بعد الخبيز
والزغزغه ف توب الشقا
من بهرجه شكل العجين
وسخونة العيش
الملّدن والمفقّع والطّرى
والجبنه لما تنده المواعين
والنبق ساعة قطفه والجميز
والفرحه لمّا تغلب المجانين
والشاى. و . نعناعه العجب
والكوبيات من عند عم ياسين
كل ده بيجيك طوفان
لو لمّحت لك تنسيمات
بتوصّل اليوم للى كان
بتحس نفسك لسه قادر تنتعش
وتعلق التنسيم رايات
زى اللى كان ناقصك طوفان
موضوع: ريحة التراب بعد المطر 
الخميس أكتوبر 05, 2017 6:50 am