صوت الشبابييييييك

صحيت فاجأه التقيت نفسى
بقالى كتير
ما زرتش مّره شبّاكه
لا صبّحنا صوت العصافير
ولّا حطينا ف شباكه
ولّا غنانا ف الموال
على لحن الهوى الشاجى
ولا راح له ف عينينا سؤال
بيسأل عنّه ويناجى
ولّا شُفنا السمَار لمّا
بيفرد ع الشطوط طميُه
ولا العين اللى كات لمّه
بقت حاويه العيون يمّه
ولّا عاد الخريف ويّاه
بيستنى طيف الألوان
ولّا الزينه بقت كسياه
وتاقشه زهزهة فستان
يا طمى النيل
يا لونى وناييّ وشجونى
أنا مُشتاقه للألوان
وراجعه للحنين تانى