صوت السُكات بلقاه الونس
بلقاه السمير ف الوحده والمشاوير
بلقاه بيضرب لى الجرس
لو شاف ف عينى الكُفر بالمقادير
بلقاه بيتحملنى طوع
لو شافنى باسمع زحمة العصافير
واّلقاه بيتحملنى جوع
لو شافنى باشبع وانسى إنه الخير
صوت السُكات
كيف خضر فاهم عنّنا
ما يعكّروش
غير بس اصرار معنوى
إلحاحى لإجابة سؤال
ما بيزعجوش
غير بس شكلى الدنيوى
والبُعد عن كونه البتول
ما يزعلوش
غير انى بأزعل وانطوى
واقفل له عين ساكناه خيال
ولإنه مفطوم زييّ بيت
بيسيبنى أبعد قد ما ابعد
وارجع اّلقاه الونس
والصحبه ف الليل الطويل
موضوع: صوت السُكات 
الأحد أغسطس 06, 2017 11:57 am