ضياااااااااااا

ضياااااااااااااااااء
=========
عواميد حاراتنا الطيّبه
علّمت وردى البنفسج يختشى
لو مَس عينه النور
مش خوف ولّا معنى إنكسار
ولّا ذكرى وجعاه م النهار
ولّا طوعه للقوانين
بس الضيا كان الولد
كان كل حواديت البلد
كان أصل ف التكوين
والورده مهما تشب بنت
أجمل مافيها الخجل
وأحلى اللى فيها عيون
والضيا كان كلّه ذوق
كان ف النسايم رقرقه
فبيحدف الشوق سقسقه
والنسمه بتطيّرها فوق
عند إمتثال ضيه القمر
وقت إكتمال الحُمْره للخدين
وتشوف تيابها تنبهر
إزاى ما عدّتش النهار
وبنور ضياه متغرّقه
وتحسهم دايبين