قوموا بينا هنا ف مكاننا
نبعت روحنا ف أجمل رحله
نحضن قمره ونسوق نجمه
نهمس همسه لأغصان شجره
نرسم فكره لأجمل بكره
قوموا بينا يالّا نبعت عينا
نراقب موجه ماشيه ف حالها
وفتافيت ميّه جت على سهوه
رشت فضه على ملامحها
طرفت عينها وبلّت ثوبها
قامت الموجه شهقة شهقه من خضْتها
وإحنا شهقنا على شهقتها
قامت الفتافيت جريت هدّت من روعتها
نفخت عينها وعصرت ثوبها وجَت يمّتنا
لامت عينا ال مراقبينها
لومنا عليها إزاى بتلومنا
سُوقنا عليها ال مشاهدينا
بعد ما بلّت كل هدومنا
خدنا حبال الشمس الدهبى
ونشرنا على خيطها هدومنا
قامت الموجه غارت منّا
والفتافيت قاعده تبُصلنا
قولنلها على ايه بصالنا
د يادوب واحنا هنا ف مكاننا
إتخيلنا إن احنا ف رحله
موضوع: قوما بينا يالا 
الخميس يونيو 12, 2014 4:57 am