برج الحمام مليان خضار

وفيه عيون متعشّقه

ب أروحله دايما ليل نهار

وعند زغليله اللُقا

بحب أنا أفضل أناغشه

ولا يحلى يومى الا لما أسمع هديله

بيدى إنذار للبنات .. لبيوتكوا خُشه

ومره أرشرش فرشته ورد وفل

.. ومره تانيه أنُكُشله عِشّه

وأنا والبنات نغّرف حِفان القمح

ونجرى هناك علشان نرُشه

ييجى الحمام سِيد الحمام

وف لحظه يؤشه

وأفضل أتعجب كده وأقول

إسم الله عليه . وراه ووشّه

أصله يستاهل كده وأكتر كمان

عايزنى أغشه ؟؟؟ !!!!

ايه ال ضايق ف كده بس البنات

مره يتقمصوا فى قصه

ومره يحكوها روايات

طب ال عنده حمام كده

سلام كده . ايه ال حايشه

طب ما انا اُدامكوا أهو

بانيه ف عيونى لل غويته مية ألف غيّه

لل شبّعنى اّمان لل شبّعنى حنان

لل كانت نظرتى بس ف عينيه

تسوى أبراج الحمام ال ف الدنيا بحالها

لكن دى غيّه أروح هناك عند الحمام

ومره هبدرله السلام واّخد سلام

ومره بفرح بيه وأناغشُه

ومره أشرش فرشته ياسمين وفل

ومره تانيه أنكُشله عشُه

وال عايز ييجى ويايا ياناس

يرمى السلام وياخد سلام

كان حد حايشه