رغم الرحَايا
الطاحنه بضروس الغبا
ومفرفته
كل الاّمانى والأغانى حتت
رغم الزوايا
ف انعاكسات المرايا
وإنكماش حلم البنات
لما خاصمهم م الاّمانى مَدد
رغم المشاوره
اللى بتقتل روحى قتل
من ناس شيلتهم
فوق حدود الإستيعاب
رغم السراب . رغم الضباب
الصبح عندى مختلف
وقت الغُنا
ببقى أنا صوته
لما الغناوى تزهزه الفساتين
وأبقى انا بيته
لو حَب يسمع كلمتين حلوين
وقت العَنا
بزرع لى لبلابة عشم
وأسقيها من نهد إتفطم
ع الصبر لما يحلى صبره اّدان
موضوع: الصبح عندى مختلف 
السبت مايو 28, 2016 7:58 am