هييجى الليل
وحادى الشعر ينده لى
وانا والويل
بنربط صُرة الأوجاع
ونمشى نجُر ف الشيله
كما التايهين ف ترحيله
يموت صوته
ويتمدد صداه ف الكون
وانا والخطوه نتكعبل
ف توهه كلها تايهين
وابقى أنا تايهه مش عارفه
# أكفّن جتّه وأخرسها
ويبقى الموت اّخر نوبه
ينادى علىّ ويموّل
# أحرض دقه واحرُسها
وابنى لها الوفاض صوبه
تزرّع صوته م الأول
وبين إنى ف ترحالى
أكون حادى وموالى
أغنيه ع اللى يسممعنى
ويطلب قُولُه م الأول
موضوع: هييجى الليل 
الثلاثاء مارس 01, 2016 9:43 pm