عمّاله أجمّع قوتى ف شُوفَه
وأرسم لها والشوف صِراط
وأرجع وأشمّع فتلتى قيافه
وأقطف لها م الزاد سُباط
وأملا لها زوادة نَدى
لأجل اما يبدأ مُبتدى
ما نميلش غير على كتفنا
وتقول له هات
واما ابتدا ميعاد الخروج
من عينى للمرمى البعيد
إبتديت فعل اللّطافه
يعنى أمسك طرف ايدها
زى سحر وجاى يعيدها
بس عينها اتسمرت
وابتدى الغيم الملبد
بعد صبرها شمّرت
عن مدى الشوف اللى جَعد
وابتدت فىّ العتاب
طالبه منى لما اعيدها
أقرا عداد الغياب
موضوع: عماله ابعت نظرتى 
الأحد أغسطس 16, 2015 7:03 pm