مابين الحيره والتوهه
بنلقى البحر دوامه
بتشفط خطوة التايهين
وتنشرخوف
فنلحق نرمى ف الصَدفه
ضمير ملهوف
و نتشبث ب قشايه
ماّمنه بوحدة التكوين
وما بنسألش
رماها ف دربنا عصفور؟
مدد بيشق طاقة نور ؟
هادتها لبختنا أقدار ؟
ونرجع تانى نحلمها
نوارس واقفه ع المينا
بتهدينا لسفينة اّمان
ف بنلوّح
بشهقة عمرنا الباقى
وبالسر اللى ف الصَدَفه
ونستجداه
يوصلنا لسفينة نوح
يرق البحر لضميرنا
و للشهقه اللى من روحنا
وللسر اللى كان مكنون
ف يأُمُر أرضنا تعلا
وتتاّلف مع المعنى
ضميرنا كان ف وقت البوح
بيترجاه
يإمّن سكة التايهين
موضوع: مابين الحيره والتوهه 
الأربعاء يوليو 22, 2015 2:16 pm