ما بين بوحى وروح روحى
شرانق خيطها متكعبل
بخطى لها على مهلى
اّلاقى بُعدها مشنكل
أسايس ف العُقد بالحيل
ولو مالت براحى يميل
وأدللها واغني لها
واسمعها الغُنا مواويل
محبّك ليه العُقد يا جميل
ما تتيسر وترمى الغيم
ولو خايف بحوره تسيل
انا قابل
وهبنى لك عينى مقابل
لحد ما تخلص الغيمه ونتقابل
ما انا خايفه عليك يا جميل
و خايفه ف يوم يفيض الكيل
ويخلص م الغُنا المواويل
ولا تلاقى
اللى يتلاطف بقول يا جميل
ولا خيوطنا هتتيسر
ولا نلاقى لغيومنا سبيل
موضوع: مابين بوحىىى 
الأربعاء يوليو 22, 2015 1:59 pm