لحظة ميلاد النور
كتب الضيا موته
لملم نجومه الليل
حتى السهر فاته
واما انكتب له رحيل
واتسطر الترحال
ساب خيمُه وبيوته
لكن ما سابش الناى
ولا ذكريات عينه
كان أنسه والموال
بيهونه شجونه
والنور خطاوى وسَاع
والخطوه مخاويه
والليل غناوى جياع
للعاشق الملتاع
عشق المولوديه
واللى ف جنابه صراع
شايل عنا الانّه
دأبه المناجيه
النور بداية فجر
والليل معاطف ستر
النور صبايا بكر
والليل خريف العمر