قرب قرب قرب شوف ----- شوف صندوق الدنيا
قرب يالله بعينك طوف ---- جواه ناس حاجه تانيه
بصوا وشوفوا واحكولى يالله ايه شايفين
= شايفين فيلم - لأ لأ حلم - ولا ده علم
بس ليه محناش سامعين يالله احكيلنا يا عم اّمين
- هى حكايه راعى ور عيه انا هحكيها
بس ياريت تصبحوا فاهمين
يالله احكيها يا عم اّمين
اول صوره مرسوم جنه -فيها ميه وفيها خضره
بس الناس فبها تعبانه
وف نواحيها تلقى مصانع تلقى مزارع
وبرضه الناس فيها شقيانه -
وف ضواحيها اّثار وف اراضيها اّبار واماكن لعمار
وشبابها شطار وجيوبهم خويانه
وال كام بيت ال على يمينكم فيهم ناس
مرتاحه وعيونهم قلقانه
=
ياعم اّ مين - فيه ناس بينهم لاهى شقيانه
ولاتعبانه ولاقلقانه بنظرات بارده وعقول شارده
مش دول ناس ياعم اّمين ولا ايه محناش فاهمين
دولا بقى ناس متعطلين . مسروق منهم حتى الحلم
ذكروا ونجحوا . تعبوا وكدوا . وبعد ما نجحوا قابلوا الوهم
وفين الراعى ياعم اّمين . قاعدين نسمع ولا فاهمين
فوق ف الصوره جوه البرج وعلى بيبانه ناس واقفين
ناس كده بقى متريشين . وباحوال الناس عارفين
وف تقاريرهم ناس تانين
ولافيهاشاكى ولا فيهاباكى ولا مطحون
= وف صوره تانيه ياعم اّمين
زحمه وهوجه و ثوريين - احكى احكى ياعم اّمين
دول الناس المرتاحين جمعوا الناس التعبانين
ويا الناس الشقيانين و المطحونين
والعطلانين وانضملهم الملايين
عدوا العده وقاموا رايحين
حلوا بصرخه مر سنين
وبصوت واحد قاموا قايلين . ابراج تانى مش عايزين,
واّدى البرج أما سمع صوتهم كل حيطانه قاموا واقعين
واّدى شبابنا الثوريين واحنا معاهم متعاهدين
ال يبنى وال بيزرع وال بيجنى وال يعمر
وال بعلمه هيخدم بلده وال لاهله يرد الدين
ماهى ثورتنا ثوره عدل عدل لكل المصريي
اّهى دى الثوره ياعم اّمين -- اّهى دى الثوره يا عم اّ مين
يالله نغنى ياعم اّمين
يا أم الصابرين - توهنا وتلاقينا ياأم الصابرين
ع الالم عدينا - ياأم الصابرين
يا أمنا يامصر - ياعشقنا يامصر -ياحبنا يامصر
يا يا ياحبنااا ----------------------------------------------------- ك.ك