نفسى أكسر كل حاجه مرسومه لى بشكل طوق
وامسك التكسير وأطوح تسكيراته لحد فوق
نفسى أفُوق
نفسى أخرج بره عمرى وأفصل الروح م الخلاص
وابقى مره واحده وحدى وان ناديتنى أقول خلاص
نفسى أخرج بره نفسى وأغسل الروح من عناقها
مره اتمرد عليها وأعصى طغيانها وأعوقها
هىّ ليه ماسكه فىّ متبّتانى بخيط حرير
ضَمْه طعنات الغُرز هىّ ليه خيفانى أطير
ايوه كنت معلماها ألبس الثوب ع المقاس
بس كنت مفهماها نختلف وقت أما أقيس
هىّ راحت من دماغها ضيّقت شوف المدى
والمدى ما ناقصش ضيق
هوّ وحده جلمده
طيّه متسوى بحريق وأنطفى ف بحور ثلوج
يعنى اتشكل ملامحه واترسم ع الضيق نضوج
موضوع: نفسى اهرب بره نفسى 
الأربعاء مارس 11, 2015 2:06 pm