حلاوة زمان
عروسه وحصان
وضمه ولمه
وكل ال كان
بأمى وأبويا
وأختى وأخويا
ال كان ف الليله دى
بيدخل علينا
بيحضن عرايس
لنجوى وحنان
حلاوة زمان
بحلمى البسيط
وضحكى العبيط
وفرحة عيونى بإبن الجيران
بشَعرى ال غجرى
وتملى مهاودنى
ولمّا يعاندنى
ألملم جنانه ف ديل الحصان
حلاوة زمان
بطعم القُلل
وريقها ال نازز ف جوفنا عسل
ف نحضن قوامها ونلثم رضابها
ويحلى ما بيننا وبينها القُبل
ف تفرح بشوقنا
تزغرد بشوقها
وترجع مكانها ف حضن البلل
ولو غبنا عنها تنشّع مَلل
حلاوة زمانى ال ماشى بكيفه
ف عمرى بحاله
وجه لحد عندى وساق رهوان
حلاوة زمان
موضوع: حلاوة زمان 
الخميس يناير 01, 2015 1:02 am