مابين البعد

وساوس
-----------

مابين البُعد والتانى

بحور فايره

ونظرة عين متابعانى

ف وجوه حايره

وماشيه طريق بيرمينى

لطرق تانيه

وبتلفت على خطاوى ملازمانى

وانا سايره

واتوه منى واقول للريح تودينى

بلاد تانيه

بلاد عايشه مابين شطين

بتربطهم عيون تانيه

عيون ما تكونش شايفانى

عيون ما تكونش عارفانى

وبسكنها انا وحدى

كيانى هوّ عنوانى

ف بلقى الشط والتانى

مابينهم توهه سكنانى

ورافضه عيونها تنسانى

وكل منايا بس القى

سفينه نوح تنجينى

وسرب حمام بيحمينى

وانا طايره