ساعات
ساعات روحى تسهّينى
وتخرج بالساعات منــى
تغيب عنى وتنسانــى
وتشرُد منها منــــــى
وترجع طفله من تانـى
غريبه عنّهــا عـــــنى
عاشقه حلاوة الدنيا
بتتشاقى مع المطره
ما بتكممش صوت ضحكه
ولا بتسمعش
لا لقالــــوا ولا لقولنا
ولما تتمْلى هدومها
بريحة العَفره وتعبْها
يخربش ف الخْفى قَدمْها
وتتمسح ف أحضانى
وأتمرغ ف أحضانهــا
بعطر خريفى أطيبّهـا
تبص بصه تخجلنــى
أهدهدها وأحضنـها
وأمسح دمعه من عينها
وأوعدها
كتير مرات نكرّرهـا
أسيب روحى تسهّينى
وأعمل نايمه وأسيبها
موضوع: ساعات روحى تسهينى 
الإثنين يونيو 02, 2014 8:07 am