صباح عافيه

======
برغم البرد ورخامته

وتكتكته وأفأفته

وبطاطينه وكلّفته

صباحك صُبح مش عادى

صباح سكر صباح عنبر

صباح يأسر صباح يسّكر

صباح الخير على بلادى

صباح عافيه

وعيون صافيه وقلوب دافيه

ولا بتنسى ف سكنتها

لا شارع ولا حاره

ولا عشه ولا عماره

ولا مينا ولا بوادى

ولا مزارع ولا مصانع

ولا كنيسه ولا جامع

ولا رايح ولا بادى

ولما تأّمن السُكنه

ف إيدنا وعينا وعافيتنا

نرد الصُبح لعيونها

صباحك صبح مش عادى

صباح عافيه على بلادى