صباح ركية نار

صباح الورد ع الحلويين

صباح مستنى خيط الشمس ع التَبّه

ولما تهل يسألها إنتى مرتبطه ؟

يرُد خيوطها ويقوله يا واد لأه

يجيلنا ماسكــها من إيدهــا

ويدقــــــدق على عيوننــــا

نفــــوله يا ابنى مش فايقين !!!!

يصب نداه ف بكرّك شـــاى

نقــــوله يا ابنى بــــردانين

يقيد بخيوطها ركّية نــــــار

فنتجمّع حِدى عيـــــــــــــونه

ونتكّلفــــت ف أحضـــــــــانه

ونجرى نصـــحصــح النعسان

ونقوله ياعم يالا إصحــــــى

صباح الورد ع الحلــــــويين