الست دى مشكله

الست دى مُشكله
هاوسه العقول بَرجله
ضاربه الوتد فى الأرض
والطرحه متعقّله
بلطيّه ما بتهمدش
بتشنكل الصيّاد
يرمى المدد ما تدوقش
وبتوزن المسأله
بيصيدها تصطاده
يبدأها بتعيده
حربايه متلوّنه
محسوده يا الحلوه
من كُتر خُطابك
موعوده بالرْقوّه
يااا نن أحبابك
يا الحلوه بزياده
الجته مش خالصه
يا شمس ولاده
ما نقصّر القصه
غاويين يورونا
خفّة طواقيهم
ونْعد بالنقطه
الحلو لعنيكِ
واللى اتعطب ليهم
والعد ما يوافى
عَد الكتاب كافى
فى وش العدو خمسه