لو كنت بادور عن ابره

لو كنت بادوّر عن إبره
فى تلال القش المتكوم
كنت لاقيتها
وفضلت ارتق ف الدايب
فى الهدمه البايشه من الترقيع
والكارهه النغز فى جتّتها
أو أطلع فوق عند القمره
و الضم ف نجوم بعد السهره
واربطهم واعملهم حزمه
او اعمل زى الاسكافى
واستر برد الكعب الحافى
وادفّى عينيه واكسيه جزمه
لكنى بافتش عن فكره
تعدل لى المايل ف الموازين
والفكره بترقص جوه العين
خيلانى ومش عارفه القُفها