كلنا ف الهم واحد

كلنا ف الهم واحد
بس واحد فينا جَضْ
بص شاف الهم جاحد
عقله فكّر قال لابد
أقظع السير للقطيع
وأوصل السير المَشاع
تنتعش قلب الحقيقه
للى غصب عنّه باع
حط طوله ف الطريق
قال له نظّم لى المرور
فى القطيع تعمل لى فوضى
للمشاع تعمل طابور
طوله راقت له المحاوله
عقله شمّر للمداوله
نفسى أعمل منّها دوله
خط فاصل للضياع
ليله نفّد ع النهار
والنهار نفّد ل ليل
صوته طول اليوم يواتى
والإدين رهن المشاوره
زغللت عينه الخطاوى
وإنخرس صوته المداوى
لما شاف الدنيا توهه
نصّها جاذبه إلتياع
عينه شبعت م الدموع
طوله هامم بالرجوع
جرجرت دمْعه المتاهه
حس ميله
طب طوله
لاحقه واحد
صد ميله
اَمْ طوله
ضمّه لصفوف القطيع