طبطب لى على كتفى
تطيب خاطر المكسور
تملس لى على شعرى
وتحبك لى جميل القول
ولا حقى اما تتذلل
أخد حقى وإنت كبير
وما اخدوش لما تتسوّل
أنا حقى منتور ضحك ع الشارع
أنا وانت بفرح عيال
ف لملم ضحكى لو تقدر
وكان حقى منوّر صبحنا الطالع
من الصدق اللى كان ف القول
ف رجع حلمى مش أكتر
وكان حلمى يمد بطول
جماله بإنه كان فارع
وكانت خطوتك أأقصر
وكان حلمى بيرخى شعور
يطاطى وهو جوف مليان
لكن ساعة الوجع يكبر
وكان حلمى شجر وارف
ورافه تضم أحبابه
وكان للغيره يستأصل
وكان نخلى نجف بنور
بألوان نوعها حيّانى
بناخد منْها وبتكتر
ف رجّع حلمى م الأول
ونرجع زى عمنول
تمد الإيد وانا أكتر
لكن كونك خياله مريض
وتفّه فكرة المفروض
وخد رهوانه واستعجل
ف إتحمل
ولا تعتب على الروح اللى ليها حدود
بتتبع فكرة المفروض
لكن سايبه الهُلام يكبر
وتشبع فُرجه ف الأول
موضوع: د مش حقىىىىىىىىىى 
الأربعاء أغسطس 16, 2017 8:39 pm