شعر غنائى
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 حلو الخياااااال

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


المساهمات : 683
تاريخ التسجيل : 03/06/2011

مُساهمةموضوع: حلو الخياااااال   الأحد أغسطس 06, 2017 11:58 am


و مش أحسن
نحط النسمه ف الأباريق
وناخد بعضنا ع البحر
ونحضن منظر الميه
وكام غنوه يا امريه
وتبقى النسمه بلّة ريق ؟؟
و مش أحسن
نسيب الدنيا تتكركب
ووسط النيل ناخد مركب
ويسبق حلمنا يركب
ولا نسألش رايحين فين
ونحسب لهفة المشتاق
ونزرع للتلاقى عيون
وتبقى اللُقيا بيك يا عناق
كما الوسْعة ف وسط الضيق ؟؟
مش الأحسن
نعدى ع اللى مش ممكن
ونوصِل فيه خيال يمكن
نصحى المستحيل ذاته
ويبنى ف الخيال بيته
ونبلُع حلمنا ونفوق
ومش أحسن
لو اللى بقوله ده أوهام
وأضغاث من الأحلام
لا بحرى إتملى ميّه
ولّا غنوه لإمريه
ولا إبريقنا كان تنسيم
لكن يكفى إننا عيشنا
وكفّى ملحنا عيشنا
وسيبنا الحلم يسبقنا
طلع له خطوتين قُدّام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://99999.ahlamontada.com
 
حلو الخياااااال
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ك.ك :: الفئة الأولى :: اشعارى-
انتقل الى: