تعرفوا شكل الخَجل ؟
شكل إنكسار النفِس قّدام النهار؟
حَرقة الدم اللى فاير
م العروق حد الدماغ ؟
طاوية الصبر المقفّل ع المرار ؟
تصفيرة الفكر اللى بتجيب الجنون ؟
تحجيرة الملح المعتق ف العيون
فرش الملايه الكُحلى سجّاد للجفون ؟
ندر الشموع للأوليا
ضحكى اللى طالع سخريه
فكرى امّا ينساق للمجون ؟
كل ده إحساسى لمّا
تشتهى الروح برتقان
وابقى رافعه العين توسل
بس مش طايلاه الإدين
موضوع: قلة الحييييله 
الأحد أغسطس 06, 2017 11:48 am