ف حضرة سيدى المولد

فى حضرة سيّدى المولد
اّيادى تُعبد الفتّه
تشمّر كُم للساعد
وبإزان شُوربه تتوضا
وريحة الشُوربه فوّاحه
بتشعل همّة الرُوحه
نسيب أبوابنا والشبابيك
ونجرى لاجْلها لُّبيك
يروح سماعين ياخد حمدان
مع مُرقص وابو أحمد
تاخدهم دايرة المولد
لشق الكتف م الزحمه
يقول سماعين دى فول نابت
يقول حمدان يا . سيدى إحْمِد
يقول مرقُص دا عيش بايت
أبو احمد نظرته تلْحِد
ويتختلفوا بين الإتنين
مابين الأكل والجوعه
وسايبين الرياح تضرب
وتفرد طولها ف الكوالين