النجمه دى عايشه القمر
بيفتحوا عيونهم سوا ويقفّلوا بيبانهم سوا
وبيسكنوا ويعزلوا وبيرموا طولهم ع الشجر
وبيرحلوا يتنقلوا فوق كل عُشّاق السفر
النجمه دى
حافظه الغنا كل الغُنا اللى إنكتب
ومْجَلده وصف القمر م المداحين
والسهرانين والتعبانين والحيرانين
م الشعر من كل الكتُب
بتحسهم دابين ف بعض والعشره بينهم إنسجام
بتحسهم متجددين مش واخده عينهم ع الضجر
النجمه دى شدّتنى من عينى ف يوم
لمّا القمر بتصيبه حالة إختناق
اّلقاها لابسه الشفتشى
وإن قفّلت عين الأشتياق
اّلقى القمر ف البُعد فرحان منتشى
قلت إنسجام النجمه معنى الإعتياد
زى إنعكاس الضى ع القلب الحجر
موضوع: نجم وقمرررررررررررر 
الأربعاء يوليو 26, 2017 12:01 am