البحلقه فى السقف

بعد إنتهاء البحلقه ف السقف
وشرودها لحدود المفيش
هزت ضلوعها زلزلات العيش
والبرد مزق تعشيقات الشيش
قامت
مالقيتش أفكارها البنات
سارحين يلموا اللى اتفسم تنتيش
مصت شفايف وردها الدبلان
واستدعت الجفن السهيد
وإتكلفتوا
نااااااامت

الإنصهار
مش شرط يفتك بالجمود
ويحل كل التجزئه
تشعل له أفران اللهيب
لاجل اما يعلن إلتياع
الإنصهار
زى إنسجام الهدمه مع روح البدن
لا تحس منها بالإختناق
ولا تتعبك بالبهوأه