بادوّر عليك
ف كُل الشوارع
وبنده عليكِ
ف فجرى اللى طالع
وبغرف ف طيفك
وبمْلى الكفوف
وباخدك سفينه
ومَرسى المدينه
وتتقوى منّك
سنينى العِجاف
وتتقاد شموعى
وأهدّى ف ضلوعى
ساعة لما تصرخ
عليك إرتجاف
وباخدك معايا
لوقتى المُمل
وباخدك دوايا
ف يومى اما أَمِل
وبتغطى بيكِ
ف قصد العواف
بيوحشنى أشوفك
ووحشانى جداً
يا بنت اللذين
ومش لازم أعرف
مين البادى فينا
بمَلْو المراكب
متاهه وخلاف
وأسألها ممكن
وأكلمها حتى
ولو من بعيد
وأحرّك ف صوتى
ندايا العنيد
ساعة لمّا يكبر
وأشوفه بيقدر
يمزّق شرانق
بنيتها الظروف