إهرب
إنفد بجلدك م العطن
الجو مليان ميكروبات
والبحر راكد م الآثن
طب اقول لك ايه وتصدقه ؟
الارص ما بقيتش البتول
خانها الحرس شاعت جرس
والقلب لأخضر بوروه
والنبت بيعيط عليه
ودموع عنيه صبحت رمال
طب اقول لك ايه ؟
اللى إكتفى بيجوعوه
واللى إنكفى بيعوموه
والإكتفا بيسقعوه
وبيعرضوه وقت المحال
طب أقول لك ايه
والزهر عمال يتقطف
الوان ربيعه بتتخطف
فاطمه اللى كانت سوسنه
سونيا اللى كات قلبى انا
إتفتتوا بنياب عضال
إهرب
القطر عمال يفرمك
إفتح لى سكة ممكنات
مافيهاش فلان م الوحش مات
يمكن ساعتها أحصلك
مستنى ايه
إهرب